Caussido(-de-mountagno)
Cirsium alsophilum
Asteraceae Compositae
Noms en français : Cirse d'Allioni, Cirse des montagnes.
Descripcioun :La caussido-de-mountagno fai de coulounìo en ribo d'aigo e dins li relarg fres. Se vèi majamen dins lis Aup marino séusouso. Es uno forto planto que se recounèis à si gràndi fueio di proun descoupado e lusènto dessouto, e à si tèsto agloumerado. La flour coumpausado èi roso à pourpro.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Grando erbo
Taio : 80 à 200 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Cirsium
Famiho : Asteraceae
Famiho classico : Compositae
Tribu : Cardueae
Ordre : Asterales
Coulour de la flour :
Roso
Petalo : >6
Ø (o loungour) enflourejado : 3 à 4 cm
Flourido :
Estiéu
Sòu : Si
Autour basso e auto : 1000 à 2200 m
Aparado :
Vo
Juliet à avoust
Liò : Prado à rousèu
- Pasturo
- Ribo d'aigo
Estànci : Mountagnard à Subaupen
Couroulougi : Ouroufito-Sud-Éuroupo
Ref. sc. : Cirsium alsophilum (Pollini) Soldano, 1994
(= Cirsium montanum (Waldst. & Kit. ex Willd.) Spreng. = Cirsium allionii Thur. ex Ardoino )
Esteleto(-de-mountagno)
Stellaria nemorum subsp. montana
Caryophyllaceae
Nom en français : Stellaire à graines barbues.
Descripcioun :L'esteleto-de-mountagno trachis dins li bos fres. Sèmblo un mourihoun en mai grand (petalo mai longo que sepalo) ; coume éu la tijo èi roundinello, mai eici èi peludo. Li fueio de la baso soun en cor emé un long pecou au contro di bratèio qu'embrasson quàsi la cambo. Dins la subsp. nemorum li bratèio en formo de fueio soun de mai en mai pichoto à flour e mesuro que mountas dins la planto, alor qu'eici tre li segoundo s'atrovon èstre tóuti pichoto. Apoundèn que li fueio soun eici mai verdo.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.
Port : Erbo
Taio : 20 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo
Gènre : Stellaria
Famiho : Caryophyllaceae
Ordre : Caryophyllales
Coulour de la flour :
Blanco
Petalo : 5
Ø (o loungour) flour : 15 à 20 mm
Flourido : Printèms
- Estiéu
Sòu : Ca (Si)
Autour basso e auto : 400 à 2200 m
Aparado : Noun
Jun à avoust
Liò : Bos fres
- Prado à rousèu
- Prado umido
Estànci : Mountagnard à Subaupen
Couroulougi : Éurosiberiano
Ref. sc. : Stellaria nemorum subsp. montana (Pierrat) Berher, 1887
